Deputetja shqiptare në Maqedoni, Ermira Mehmeti mes lotësh, ka mbajtur një fjalim ditën e sotme në Parlamentin shqiptar për rastin e publikimit të një bisede seksi, mes saj dhe zv/kryeministrit shqiptar të Maqedonisë. Deputetja shqiptare e Maqedonsië edhe një herë tjetër e mohoi kategorikisht që në bisedën telefonike nuk ishte ajo që fliste dhe se gjithçka ishte një montazh i një pseudogazetari.
Mes lotëve ajo kujtoi se si u bë një gjyq publik, nga një shoqëri patriarkale.
“Kam përjetuar se sa pak duhet që një personi publik ti dhunohet jeta, se si dikush i quajtur gazetar denjoi që përmes montimit të ca bisedave telefonike që ka insinuim se bëhet fjalë për mua ‘ti publikojë ato duke përdorur emrin tim. Brenda 5 minutave lajmi të marrë dhënë, dhe unë të vuaj gjithë atë akuzë por edhe gjyq publik që më kanë bërë. Jam dakord që nuk merret aq tragjike në politike, por pyetja që më ka rënduar, a ja vlen të nderuara zyra që një femër të jetë politikisht aktive, kam arritur që në një ambient shumë konservativ të jem fitues me lista proporcionale, të kritikoj politikat e qeverisë jodemokratike, kam guxuar të flas hapur publikisht e me zë të lartë, e në fund pagova një çmim jo të vogël. Më vënë te banka e të gjykuarve me të gjitha të zezat, pa pyetur se si ky përgjim i montuar të përfshi figurën e personalitetin tim, femrës shqiptare në një shoqëri etnikisht të fragmentuar, të jetë ajo që paska shkelur moralin e saj. akoma jam duke vuajtur traumën nga një goditje jo e vogël, kjo është paraqitja ime e parë publike pas asaj ngjarje. (Fillon e qan), Si fitohet një betejë e tillë, nëse mund të fitohet…”, tha Mehmeti.
