Tiranë, grabitet kambsiti te Hotel “Sheraton”, sapo doli nga banka me 180 milionë lekë

Një grabitje me armë dhe maska ka ndodhur sot te Hotel “Sheraton” në Tiranë. Mësohet se një kambist ka qenë objekt i grabitjes nga persona të armatosur dhe me maska.
Nga hetimet paraprake, mësohet se kambisti sapo kishte tërhequr një shumë prej 18 milionë lekë (të reja). Kambisti ka qenë i shoqëruar nga një person tjetër dhe sapo i ishte drejtuar një “Exchange” për kthimin e lekëve në valuta të huaja, kur janë ndeshur përballë personave me maska. Nën kërcënimin e armëve ata i kanë rrëmbyer çantën me sasinë e konsiderueshme të lekëve dhe janë larguar.
Policia shkoi në vendngjarje dhe mori në pyetje kambistin, i cili ishte i shoqëruar me një person tjetër, ndërsa ka shpallur në kërkim grabitësit.