Kreu i PD-së së Lushnjës, Myslim Murrizi ka denoncuar një vendim të këshillit bashkiak, sipas të cilit ka akorduar 29 milionë lekë (të vjetra) për oborrin e shtëpisë së ministres Eglantina Gjermeni.
“Sot mazhoranca e majtë në këshillin bashkiak Lushnjë ka miratuar një fond shtesë prej 29 milion lekësh (të vjetra) për të rregulluar një mini shesh, oborrin dhe shkallët e shtëpisë së z. Behar Lame që është daja i ministres së zhvillimit urban zj. Eglantina Gjermeni. Sikur të mos mjaftonin 4 milion euro të shpenzuar për të ribërë sheshin para bashkisë dhe rrugën deri te poliklinika brenda 4 viteve, dy herë, u deshën dhe këta 29 milion lekë për ta përfunduar këtë ‘Vepër që ju duhej shumë’ qytetarëve lushnjare”, denoncon dhe ironizon Myslim Murrizi.
Lushnjë, këshilli bashkiak miraton 29 milionë lekë për oborrin e shtëpisë së dajës së ministres
