Një ngjarje e rëndë kriminale brenda familjes është parandaluar në Krujë. Një 53 vjeçar është arrestuar, pasi në mënyrë të vazhdueshme ushtronte dhunë ndaj bashkëshortës, por këtë herë e kishte kanosur duke i drejtuar edhe armën në sy të fëmijëve.
Gjatë një konflikti të përsëritur, ka ushtruar dhunë fizike ndaj bashkëshortes së tij, shtetases A.Lika, 47 vjeçe, duke i shkaktuar dëmtime në trup si dhe e ka kanosur, në prani të fëmijëve, duke I drejtuar një armë zjarri pistoletë tipi ‘TT”, me të cilën më pas është larguar. Gjatë kontrollit të ushtruar, në momentin e kapjes, Likës, i’u gjet dhe i’i sekuestrua në cilësinë e provave materiale: • një armë zjarri pistoletë, tipi “TT”; • një kreher me 6 fishekë mod 54 kal 7.62 mm. Shtetasi i mësipërm, ka qenë i dënuar më parë(ka kryer 4 vite burg) për veprën penale të “Vrasjes me paramendim, mbetur ne tentativë, kryer në bashkëpunim” parashikuar në nenin 78, 22, 25 të Kodit Penal. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale ”Dhunë në familje”dhe“Mbajtjes pa leje të armëve dhe municionit luftarak” parashikuar në nenet 130/a dhe 278/3 të Kodit Penal.
