Blushi: Rama e ka konsumuar kohën e tij politike

Ben Blushi ka vijuar sërish sot sulmet ndaj kryeministrit Edi Rama dhe projektit të tij politik të Rilindjes.
Deputeti socialist ka lënë të haur mundësinë e shkëputjes nga PS.
“Edi Rama e ka konsumuar kohën e tij politike. AI ka 14 vjet në pushtet dhe nuk ka cfarë ofron më”, u shpreh Blushi.
Duke ironizuar Rilindjen, Blushi mori si shembull, rastin e Koço Kokëdhimës.
“Një njeri që kërkon legalizimin e kanabisit hyn në kryesi, një tjetër që kërkon legalizimin e zgjedhjeve në parti del nga kryesia. Unë nuk i takoj më kësaj filozofie të Rilindjes, por jo PS”, shtroi Blushi.
Për sa i përket mundësisë së një alternative apo projekti të tij politik, Ben Blushi e ka lënë të hapur një mundësi të tillë.
“Jam duke u konsultuar në se Shqipëria ka nevojë për një ofertë të re politike. Në të kundërt do e konsumojë pjesën tjetër të jetës sime, në shumë mënyra”, sqaroi Blushi.