U sekuestruan sot nga Policia e Vlorës 22 kg e 500 gr lëndë narkotike e llojit “Marijuanë” (Cannabis sattiva).
Policia arrestoi në flagrancë 3 persona, dhe u shpall në kërkim 1 tjetër.
Arrestohen shtetasit:
1- Mehmet Mehmetaj, 46 vjeç, banues në fshatin Treblovë – Vlorë.
2- Xhafer Rrapaj, 49 vjeç, banues në Selenicë – Vlorë.
3- Julin Buza, 30 vjeç, banues në fshatin Babicë e Madhe – Vlorë.
Shpallet në kërkim, shtetasi me iniciale:
4- A.G., 40 vjeç, banues në fshatin Babicë e Madhe – Vlorë.
Shërbimet e Policisë, kanë bërë të mundur finalizimin e këtij operacioni në fshatin Treblovë të Vlorës, ku në bazë të të cilit u arrestuan në flagrancë 3 shtetas dhe u shpall në kërkim një tjetër, për arsye se:
Gjatë kontrollit të ushtruar në banesën e shtetasit: Mehmet Mehmetaj, është gjetur një sasi me lëndë narkotike me peshë të përgjithshme prej 22 kg e 500 gr, të llojit “Marijuanë” (Cannabis sattiva), e cila ishte fshehur në banesë, e vendosur dhe e ndarë nëpër 3 thasë të bardhë me thurje.
Nga hetimet e kryera, ka rezultuar se shtetasit e mësipërm janë të implikuar në këtë veprimtari kriminale në bashkëpunim me njëri-tjetrin.
Policia ka bllokuar dhe sekuestruar në cilësinë e provës materiale:
– Në total: 22 kg e 500 gr lëndë narkotike “Marijuanë”,
– Një automjet tip “Volskëagen” me targë: VL6409C, në pronësi të Julin Buzës.
