Ish-nëndrejtori i Policisë së Tiranës, Erzen Breçani ka treguar ne Opinion se si e ka arrestuar Emiljano Shullazin vite më parë
Brecani tha se herën e parë e ka kryer arrestimin e Shullazit gjatë zgjedhjeve vendore të vitit 2011, pasi kishte penguar disa kandidatë socialistë dhe drejtues të pushtetit vendorë që të kryenin veprimtaritë e tyre.
“Madje kanë ardhur edhe dy deputetë të PS-së, Besnik Bare dhe Vasilika Hysi që më kërkuan arrestimin e tij”, tha Breçani.
“Pasi u thashë që të bënin kallëzim, shkova dhe e arrestova me iniciativë të lirë, pa pyetur Prokurorinë. Kam qenë me automjetin tim dhe s’pata asnjë problem”, tha ish-zëvëndësdrejtori i Tiranës.
Ai tregoi se njerëz si Shullazi nuk e kundërshtojnë Policinë, pasi janë të sigurt se mund të dalin prej arrestimit.
