Të paktën 233 janë konfirmuar të vdekur nga tërmeti që goditi Ekuadorin, një nga më të fuqishmit në dekada.
Rreth 10 mijë trupa ushtarake dhe rreth 3 500 punonjës policie janë zhvendosur në zonat e prekura në operacionet e sigurisë.
Tërmeti prej 7.8 ballësh goditi vendin të shtunën në mbrëmje jo aq larg Kolumbisë fqinje.
Presidenti i Ekuadorit Rafael Correa bëri të ditur numrin e viktimave, teksa u kthye me shpejtësi në vend duke ndërprerë një vizitë në Itali.
Ai ka shpallur gjendjen e jashtëzakonshme në vend, ndërsa bëri thirrje për “qetësi dhe për bashkim”.
