Image GalleryTre persona janë arrestuar në kuadër të operacionit antidrogë të koduar “Arbeit” në Lezhë. Midis të arrestuarve është edhe një mësues i një shkolle të mesme.
Sipas burimeve të policisë vendore, mësohet se këta persona në mënyre të kamufluar në formën e cigareve prodhonin dhe shpërndanin në doza lëndë narkotike të llojit marijuanë.
Nga ana e policisë janë sekuestruar 340 cigare brenda të cilës ishte kamufluar droga, 555 doza lëndë narkotike e dyshuar cannabis sattiva, 56 (kubik) të dyshuara si bimë narkotike të kultivuara në gota plastike, 1 automjet “Mitsubish”, 4 celularë dhe 1 armë gjahu me leje.
Njoftimi i plotë i drejtorisë Vendore të Policisë së Lezhës
Më datë 30. 03. 2016, pas një pune hetimore 4 mujore, nga Sektori Për Hetimin e Narkotikëve dhe Trafiqeve të Paligjshme në Drejtorinë Vendore të Policisë Lezhë u finalizua me sukses Operacioni i koduar “Arbeit” Në kuadër të cilit u identifikuan dhe zbuluan pas një pune të mirëfilltë policore i disa shtetasve të cilët në mënyrë të kamufluar në formën e cigareve prodhonin dhe shpërndanin në doza lëndë narkotike të llojit marijuanë.
U arrestuan në flagrancë për veprën penale të “Prodhimit dhe shpërndarjes së lëndëve narkotike” parashikuar nga neni 283/2, Kodit Penal, shtetasit:
Sabri Zyba, 24 vjeç, banues në Lezhë
Fatmir Ndreca, 46 vjeç, banues në Lezhë me funksion mësues në shkollën e mesme në Shënkoll ku dyshohet se shpërndante lëndën narkotike
Petrit Gjoka, 41 vjeç, banues në Lezhë.
Këtyre tre shtetasve iu sekuestruan në momentin e arrestimit në flagrancë në cilësinë e provës materiale: 340 cigare brenda të cilës ishte kamufluar lënda narkotike marijuanë 555 doza të dyshuara si lëndë narkotike cannabis sattiva, të ambalazhuara ne qese plastike (farmaceutike) 1 automjet “Mitsubishi” me targa AA 092 GE, 4 celularë.
Gjithashtu gjatë kontrollit të banesës së shtetasit Fatmir Ndreca u gjetën dhe u sekuestruan në cilësinë e provës materiale: 56 (kubik) të dyshuara si bimë narkotike të kultivuara në gota plastike 1 armë gjahu me leje.
Materialet procedurale do t’i kalojnë Prokurorisë së Rrethit Gjyqësor Lezhë për veprime të mëtejshme.
