FOTO/ Vlorë, dëmshpërblimet e të përmbyturve, politike, nepotike dhe korruptive

Banorët e Novoselës në Vlorë kërkojnë rivlerësim të dëmeve nga përmbytjet, në të kundërt ata paralajmërojnë se do të vazhdojnë protestat.
Ky reagim i banorëve vjen pas dyshime të forta për korrupsion me listat e dëmshpërblimit ndaj të përmbyturve!
Sipas banorëve, komisioni i vlerësimit ka bërë dallime jo vetëm politike, apo nepotike në kompensimin e dëmit, por ka edhe dyshime të forta për korrupsion pasi ka familje që nuk janë prekur nga uji dhe jetojnë në Itali.
Në krah të banorëve është Partia Demokratike, dega Vlorë mbështet banorë e Novoselës në të drejtën e tyre për të verifikuar listat e familjeve përfshirë në procesin e dëmshpërblimit për përmbytjet e vitit 2015.