Ish-kryeministri Sali Berisha në një reagim në “Facebook” shprehet se teksa dje në mbrëmje teksa në Tiranë u shënuan vrasje e shpërthime tritoli, ministri i Brendshëm Tahiri gjendej në disko, ndërsa kryeministri Rama shikonte ndeshjen e Juventusit në shtëpinë e tij të re në Surrel.
Postimi i plotë i Sali Berishës në “Facebook”
Natë tjetër terrori në Tiranë!
Edvin Shullazi krifet kurse Tirana mbrëmje nën breshëri kallashi, bombash, tritoli, kapuçonesh, atentatesh dhe vrasjesh!
Të dashur miq, krimi në revansh në kryqendrën e vendit. Tirana ishte mbrëmë një qytet i pushtuar nga fallanga e krimit. Ajo përjetoi mbrëmë një natë terrori të vërtetë. Në zemër të saj, zonën më të frekuentuar dhe populluar u vra ish polici A. Z. dhe vrasësi me kapuçon të zi u largua serbes dhe i qetë.
Tek “Komuna e Parisit” vrasës të tjerë derdhën breshëri automatiku mbi biznesmenin L. K. dhe u larguan pa ndonje kokëdhimbje. Përveç këtyre, në rrugën “5 maji” u hodhën në erë me bomba dhe tritol një eskavator dhe 200 metra më tutje një gabinë elektrike. Saje qorri thuhet se ishte në një diskotekë kurse Rama nga luksi i tij në Sarajet e Surrelit, vetëm pigmenti i betonit të të cilave thuhet se ka kushtuar mbi 80 mijë euro, po ndiqte me emocion dhe pasion Juven. Rendi dhe siguria juaj dhe e fëmijëve tuaj sot janë në duart e krimit. Vetëm revolucioni demokratik mund të rikthejë qetësinë, rendin dhe sigurinë që meritojnë qytetarët shqiptarë!
