Policia Italiane ka vene ne prana një shqiptar, pasi në mjetin me të cilin ai udhëtonte u gjetën plot 6 kg kokainë.
Shqiptari, i cili drejtonte një automjet tip “Opel” me targa gjermane u kap në zonën e Vipitenos, shumë pranë kufirit italo-austriak.
Ai sapo kishte hyrë në Itali dhe dyshohet se drogën do ta shiste brenda vendit italian. Shqiptari, që të mos binte në sy të Policisë italiane, kishte marrë edhe vajzën e tij 8-vjeçare në këtë udhëtim. Menjëherë pas arrestimit, vajza u çua në një qendër përkujdesjeje për fëmijët, në qytetin e Bolzanos. Gjithashtu, autoritetet italiane kanë njoftuar nënën e saj që jeton në Gjermani, që të shkojë në Itali për ta marrë vajzën.
