Edi Rama – Paulin Sterkaj – Tom Doshi – Sait Fishta
Lirinë të cilën rreth një muaj më parë “e bleu” kundrejt 50 mijë eurove, nga sot e ka përfitim “falas”. Gjykata e Apelit në Shkodër duke e vlerësuar si të paligjshëm ndalimin e Sait Fishtës, biznesmenit që u ndalua më 2 shkurt me urdhër të prokurorisë, i ka kthyer bashkë me lirinë edhe 50 mijë eurot e garancisë. Ndaj Fishtës ishte vendosur shuma 50 mijë euro si garanci pasurore dhe ishte në arrest shtëpie.
Sait Fishta akuzohet për ndërtimin në mënyrë të paligjshme të 9 pallateve në Velipojë, të cilat Prokuroria i ka sekuestruar. Gjykata e Apelit sot shfuqizoi vendimin e Gjykatës së Shkallës së Parë duke hequr masën e garancisë pasurore dhe duke e lënë të lirë. Gjithashtu u hoq sekuestro peër 9 pallatet që janë në ndërtim në Velipojë.
Gjykata ke Shkallës së Parë në Shkodër, kishte vendosur sekuestro preventive mbi 9 pallate në ndërtim në zonën bregdetare të Velipojës. Këto pallate janë në pronësi të subjektit “Fishta” sh. p. k., me administrator Sait Fishta, i cili dyshohet se ka konsumuar veprën penale të “Ndërtimit të paligjshëm”.
Biznesmeni i njohur i ndërtimit është ndaluar disa dite me pare nga policia në Tiranë. Nga hetimet nga rezultuar se Fishta në vitin 2010 ka marrë 50 leje ndërtimi nga Komuna Velipojë.
Sait Fishta, njihet në qytetin e Shkodrës si biznesmen ndërtimi. Ai ka ndërtuar dhjetëra pallate në Shkodër dhe dhjetëra të tillë në zonën turistike të Velipojës dhe Shëngjinit.
Fishta, i cili ka qenë sportist i njohur si mundës, për shumë vite është marrë vetëm me biznes, ndërkohë që kohët e fundit ai është aktivizuar në politikë. Fillimisht ai ishte kandidat për deputet në zgjedhjet e vitit 2009 me LSI-në dhe më pas në zgjedhjet elektorale të 2013 Sait Fishta, ka garuar për ngjyrat e PS, për t’u bërë deputet, por në të dy rastet nuk ka arritur të fitojë.
Për më shumë mund të lexoni …
Policia e Tiranes ndalon Sait Fishtën
/web/Policia_e_Tiranes_ndalon_Sait_Fishten_13903_1.php
Edhe …
Sekuestrohen 9 pallate në ndërtim në bregdetin e Velipojës
/web/Sekuestrohen_9_pallate_ne_ndertim_ne_bregdetin_e_Velipojes_13869_1.php
Si edhe …
Gjykata e Apelit liron biznesmenin Sait Fishta: Ndalim i tij i paligjshëm
/web/Gjykata_e_Apelit_liron_biznesmenin_Sait_Fishta_Ndalim_i_tij_i_paligjshem_15260_1.php
