Moti i keq ka bërë që në rrugën nacionale Has-Tropojë të ketë rrëshqitje të dherave dhe gurëve. Aktualisht rruga është bllokuar nga dherat dhe gurët për pasojë janë shembur edhe skarpatet anësore.
Siç shihet edhe nga fotot në afërsi të Kamit, në vendin e quajtur “Ura e Skatinës” ka patur rrëshqitje masive të shkëmbinjve e gurëve. Por megjithëse ky është një aks i rëndësishëm për lidhjen e zonave veriore me njëra-tjetrën deri tani nuk ka patur asnjë ndërhyrje për zhbllokimin e saj.
