Foto ilustruese
Një aksident me vdekje ka ndodhur në Fier në fshatin ‘Baltëz’, ku ka humbur jetën një person. Një makinë tip Benz me targa AA 225 IJ, me drejtues shtetasin S.F., ka përplasur S. B., 57 vjeç, dhe N.B., 71 vjeç, banues në fshatin Hamil, të cilët kishin parkuar mjetin e tyre “Volswagen”, me targa AA 677 KP dhe ishin duke mbushur ujë në një çezmë në buzë të rrugës.
Të dëmtuarit u dërguan me ambulancë në spitalin e Fierit, por Sherif Biba, ka ndërruar jetë në sallën e kirurgjisë, ndërsa N.B., ka pësuar vetëm lëndime të lehta.
Drejtuesi i mjetit që shkaktoi aksidentin u shoqërua në polici, ndërsa uniformat blu po punojnë për zbardhjen e rrethanave të ngjarjes.
