Ish-ministri i Financave është caktuar nga mazhoranca si kryetar i Komisionit të Ekonomisë dhe Financave. Posti i ri i tij pritet të miratohet në Kuvend seancën tjetër plenare.
Cani zëvendëson në këtë detyrë parlamentare Erjon Bracen.
Shkëlqim Cani i shkarkua nga detyra e ministrit para pak javësh duke u zëvendësuar nga Arben Ahmetaj që më parë ishte ministër i Ekonomisë.
Kryeministri Rama nuk ka dhënë ende një motiv zyrtar për largimin e tij ndërsa opozita ka deklaruar se ai u largua pasi nuk pranoi të firmoste koncesionin e TSVSH për një firmë që ka lidhje me vellain e Kryeministrit Rama.
