Me 114 vota pro dhe asnjë kundër është votuar paketa nënligjore e ligjit për dekriminalizimin e cila përfshin të gjitha rregullat që bëjnë të mundur identifikimin dhe hetimin e personave më të shkuar kriminale por që kanë depertuar në politikë dhe administratë.
Pas tri ditësh negociata të gjata deri në detajet më të imta më në fund Parlamenti ia ka dalë të kompletojë zbatimin e një prej ligjeve më të debatuara nga politika shqiptare.
Deputeti i opozitës, Oerd Bylykbashki, që drejtoi negociata nga opozita tha se sot fillon beteja e madhe për të larguar kriminelët nga parlamenti. Mbetet në nderin e tij ta cojë përpra dhe të monitorojë zbatimin ligjit të dekriminalizimit.
“Ky është akti i një beteje 2 vjeçare. Për fat të keq nuk u mjaftua me germën dhe frymën e Kushtëtutës. Kriminelët u morën për dore dhe u futën në parlament. Ne do të kishim jetuar shumë më mirë nëse nuk do kishim nevojë për një akt të tillë për dekriminalizimin. Ky është një projektligj i detajuar që nuk lë shteg që kriminelët të futen në parlament, por edhe që dikush nesër të thotë: “Nuk e dija dhe i futa”
Kryetari i grupit Parlamentar të PS-së, Gramoz Ruci tha se është një ligj për integritetin moral dhe ligjor për të zgjedhurit dhe të emëruarit në administratë dhe institucione. Ne iu referuam ligjit Severin në Itali dhe bëmë një projektligj, tha ai ndërkohë që i kërkoi deputetëve të tij të votonin të gjithë për miratimin e paketës.
Ligji për dekriminalizimin është një inisiativë e kryetarit të PD-së, Lulzim Basha e cila u ndoq më një marrëveshje politike më 24 dhjetor 2014. Ligji kaloi në parlament vetëm në dhjetorin e viti të kaluar ndërkohë që e majat bëri rezistencë për të vonuar aktet nënligjore qe bëjnë të mundur zbatimin ligjit.
