Policia e Durrësit ka sekuestruar një sasi prej 21 kg kanabis sativa dhe ka vënë në pranga një 44-vjeçar.
Saimir Dervishi nga Vlora është arrestuar pasi në automjetin e tij, tip Citroën me targë AA 384 MZ, në Portin e Durrësit u gjet sasia e drogës, të cilën e kishte fshehur në pjesë të ndryshme të mjetit.Mbi 44-vjeçarin rëndon akuza e trafikimit të lëndëve narkotike, e mbetur në tentativë.
“Policia Kufitare në bashkëpunim me Sektorin për Narkotikët në Drejtorinë Vendore të Policisë Durrës, në kuadër të goditjes së rasteve të trafikimit të lëndëve narkotike, më datë 02.03.2016, kanë bërë të mundur kapjen dhe arrestimin në flagrancë të shtetasit Saimir Dervishi 44 vjeç, banues në Vlorë.Arrestimi në flagrancë i këtij shtetasi u bë pasi Më datë 02.03.2016, gjatë kontrollit të ushtruar në Portin e Durrësit, vijën e dytë, në mjetin tip Citroen me targa AA 384 MZ, me drejtues dhe pronar shtetasin e mësipërm, i’u gjetën dhe i’u sekuestruan në cilësinë e provës materiale rreth 21 kg lëndë narkotike e dyshuar e llojit Cannabis Sattiva”, sqaron policia.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale”Trafikimi i lëndëve narkotike e mbetur në tentativë”parashikuar në nenin 283/a, 22 të Kodit Penal.
