Deputeti Taulant Balla provokoi deputetin Arben Ristani gjatë debatit për aktet nënligjore për dekriminalizimin duke sjellë shembullin e arrestimit të tij 20 vitesi rast për plotësimin e formularit.
Balla kërkoi falje para se të pasqyronte shembullin me kolegun e tij por ndërkohë Ristani sqaroi edhe njëherë rrethanat e atij arrestimi.
Ristani tha se Gjykata Kushtetuese e ka shpallur antikushtetues arrestimin tij dhe kjo është histori e mbyllur. Megjithatë Ristani tha se është në të mirë të procesit të vijohet me gjetjen e konsensusit për hartimin një formulari logjik dhe të thjeshtë që plotësohet nga deputetët.
Deputetë e mbledhur sonte në këshillin e Mandateve që drejtohet nga Ilir Meta ende nuk po gjejnë gjuhën e përbashkët në hartimin e formularit të vetëdeklarimit, duke i paraqitur kështu dy variante të ndryshme.
Socialistët mendojnë se formulari i PD ka tejkaluar ligjin, duke qenë shumë i përgjithshëm në formulimin e pyetjes “A jeni ndaluar apo arrestuar ndonjëherë?”.
Nga krahu tjetër, PD shikon te Partia Socialiste një përpjekje për ta ndërlikuar formularin, duke e bëtë të pamundur plotësimin e tij të saktë nga individet e zgjedhur apo te emeruar si kandidatë per pozicione qe ligji i ka ne objekt.
Sipas deputetit Bylykbashi formulari i paraqitur nga socialistët dhe mbrojtur nga Balla do të nxirrte të larë ish-deputetin Mark Frroku.
