Emra të njohur të Partisë Socialiste kanë institucionalizuar oponencën e tyre me drejtuesit aktualë të PS-së dhe kryetarin saj Edi Rama duke i nisur zyrtarisht një letër ku kërkohet zbatimi i statutit të partisë.
Letra e figurave të njohura të PS i drejtohet komisionit të Garancive Statusore të PS.
Kekojme zbatimin dhe interpretimin e nenit 30 pikat 1/a,1/b, 1/d, e pika 2 e statutit te PS, mbi kufizimin kohor te mandatit te kryetarit te PS si dhe mbi legjitimitetin e ushtrimit te funksioneve te tij ne parti pertej ketij mandati, theksohet ne leter.
Letra ngre shume ceshtje qe lidhen me zbatimin e statutit te PS nderkohe qe preken edhe raste dhe kerkohet interpretimi i shkeljeve në statut nga vetë komisioni.
Në qendër të letrës është zbatimi i nenit 4 dhe 8 te statutit qe I jep te drejte cdo anetari partie te zgjidhet dhe te zgjedhe ne te gjitha funksionet drejtuese te PS. Letra thekson edhe nenet qe lidhen me mandatin e kryetarit të PS.
Ne te njejten leter kërkohet që të respektohet parimi i kolegjialitetit në kryesi. Nder te tjera grupi qe ka shkruar letren ve ne diskutim edhe nderhyrjet ne simbolet e PS.
Letra është nënshkruar nga Rexhep Meidani, Ndre Legisi, Mark Nikolli, Marko Bello, Arta Dade, Petrit Ago, Mimoza Hafizi, Namik Kopliku, Tritan Kala, Zuzana Hakrama.
Letra është firmosur edhe nga Ben Blushi deputeti që është vënë në krye të personave brenda PS që kërkojnë votim për kryetarin e PS në kongresin që pritet të mbahet nga mesi i marsit.
