I blinduar nga forcat e sigurisë Kuvendi i Kosovës u mblodh në seancë plenare dy ditë pas festimeve dhe protestave të 8-vjetorit të Pavarësisë.
Jashtë godinës, Parlamenti është rrethuar nga një numër i madh forcash policore, ndërsa brenda tij ka prani të fortë të sigurisë. Në një fjalim që mbajti Fisnik Ismaili tha se qytetarët ia kanë hequr maskën këtij regjimi mashtrues. “Ky regjim po mundohet ta mbajë dhunshëm pushtetin”, tha ai.
Deputeti i Vetëvendosjes, Fisnik Ismaili ka thënë se opozita sot nuk do të lejojë mbarëvajtjen e seancës së Kuvendit. Edhe pse deputetët e opozitës u kontrolluan para se të hyjnë në kuvend ata prap hodhën gaz lotsjellës në sallën e seancave parlamentare. Deputetja e Kuvendit të Kosovës, Shqipe Pantina ka hedhur gaz lotsjellës në Kuvend. Gaz lotsjellës ka hedhur edhe deputeti Enver Hoti. Deputeti lëvizjes Vetëvendosje, Fisnik Ismajli është përleshur me sigurimin e Kuvendit të Kosovës. Më pas janë ndërprerë punimet e Kuvendit.
