Edi Rama ka mbi katër muaj që gjysma e fjalimeve të tij mbushen me avokati për kompaninë e Check Up duke justifikuar miliona dollarë që shkojnë në xhepat e një kompanie që vec Ramës numërohen me gishta ata që e njohin.
Edi Rama deklaroi sot në krah të kryetarit të bashkisë së Kavajës, Elvis Roshi skeduar nga media për rekorde kriminale në të kaluarën, se dy ministrat më të sulmuar të qeverisë së tij janë Ilir Beqja dhe Saimir Tahiri. Sipas tij ata janë ministrat më të sulmuar sepse kanë prekur interesat. Beqja ka ulur me milionë dollarë çmimin e ilaceve që shkonin në xhepat e tjerë, tha Rama ndërkohë që Tahiri ka vënë policinë për herë të parë në shërbim të qytetarëve. Po kështu ai tha se është hera e parë që semafori i kuq është i kuq për të gjithë nga kryeministri deri tek qytetari dhe nuk është i kuq vetëm për qytetarin.
Kryeministri Rama ka nisur fushatën e Kongresit të PS në disa nga rrethet e Shqipërisë duke mbajtur me barcaleta një skotë qytetarësh që kanë përfituar nga biznesi më i madh që ka vendi sot, qeveria.
Kanë përfituar nga miliona euro që kanë shkuar tek kompania e Ilir Beqës dhe miliona të tjerë nga fushat e gjelbëruara nën kujdesin e policisë së Saimir Tahirit.
Ky është një grup i vogël që mendon si Rama për Elvis Roshin apo për Arben Ndokën. Nuk ka halle dhe paguhen për të qënë në salla. Nëse nuk shkojnë ata largohen nga puna si vajza e deputetes që do të mbështeste Blushin.
Ata qeshin dhe duartrokasin Ramën. Ndashta nuk janë dhe aq të pafytyrë. I bën halli.
Nuk ka pasur kurrfarë interesi në biznesin e ilaçeve, gazetari i reporter.al që zbuloi dhe denoncoi kafen e vogël të Beratit si koncesionarin më të madh të Shqipërisë në fushën e mjekësisë.
Po nëse ndalove ca para të shkonin në ca xhepa, pse hoqe aq shumë para nga aq shumë xhepa dhe i dërgove në një xhep me check-up tend.
Po kush e bënte korrupsionin e cmimeve të ilaçeve përvec kandidatit të mazhorancës për deputet, që nuk u bë deputet por u bë drejtor për kompensim.
Po pse disa para që paske ndaluar të shkonin nga xhepat e qytetarëve tek disa biznese apo interesa i ktheve në kosto të shtuar për mijëra e mijëra shqiptarë nëpërmjet kontrabandës së naftës.
A e di ti që nafta virxhin e njomëzës shkakton disa sëmundje që ilacet indiane të Beqës i vijnë vërdallë.
E di sa ton virgin ke hedhur në treg, duhen tre katër koncesione si ky i chack-up dhe jo me kafe të vogla qoftë edhe të Tiranës por me spitale të racës që të shërojnë ata që ke toksikuar ti.
