Fakti se kryeministri nuk përmendi ndonjë difekt të ministrit të shkarkuar të Financave por vetëm arritje ka shtuar hamendjet për arsyet e shkarkimit.
Pavarësisht se të gjithë e dinë se financat dështuan në mbledhjen e të ardhurave ndërkohë që parashikimet e buxhetit ishin të pasakta, zëra të ndryshëm janë vënë në levizje për të gjetur arsyet periferike të largimit të Canit.
Ministri edhe mund të mos jetë shkarkuar për arsye themelore por të paktën dy arsyet e mësipërme janë kurdoherë motive për të shkarkuar një ministër financash.
Industria e kromit e pakënaqur
Cani mësohet të ketë refuzuar uljen e rentës për industrinë nxjerrëse edhe pse një lobim i fortë i industrisë së kromit mbështetur edhe nga disa deputetë kanë kërkuar nga ministri i Industrisë, Gjiknuri të ndikojë ministrin eFinnacave dhe Kryeministrin në këtë vendim.
Industria e kromit kontrollhet pjesërisht nga lobe të lidhura me LSI-në.
Cani toleroi koncensionin e TVSH edhe pse e kundërshtoi 1 vit më parë
Megjithatë një nga këto arsye që zë më shumë vend lidhet me kundërshtimin e mundshëm të koncesionit tëe TVSH-së. Por edhe në këtë rast heshtja është ‘po” dhe ministri Cani ka heshtur ndërkohë që një proces që ishte tërësisht kompetencë e ministrisë së Financave është drejtuar nga ministri Arben Ahmetaj. Cani është distancuar ose nuk e kanë përfshirë në këtë biznes disamilionësh, pa risk dhe me pagesë të sigurtë njësoj si bonot e thesarit. Por ai nuk ka folur.
Ku e mori vesh shkarkimin
Sipas Zërit të Amerikës ai ka qënë në një takim me zyrtarë të Bankës Botërore. Komunikimi i shkarkimit i është bërë me telefon që mbrëmë.
