Një ngjarje e rëndë ka ndodhur pas mesnatës të së premtes së 12 shkurit 2016, pranë një lokal në fshatin Shkallë të bashkisë Konispol.
Një person është vrarë me plumb në kokë pas përleshjes me një tjetër person i cili dyshohet se ka pasur qëllim grabitjen e lokalit buzë rrugës që të çon në Konispol.
Nga hetimet e para Arqile Poçi, pronari i lokalit kur ka parë autorin ka kërkuar ndihmë tek viktima Pajtim Shehu 43 vjeç po nga Konispoli, klient tjetër në atë lokal. Ky i fundit ka ndërhyrë për ti ndarë por ka mbetur i vrarë me një plumb në kokë.
Njoftimi i plotë i policisë
Më datë 13.02.2016 në Sallën Operative të Komisariatit të Policisë Sarandë, rreth ores 03:00 është marrë njoftimi se në fshatin Shkallë është vrarë me armë zjarri një person.
Menjëherë në vendngjarje kanë mbërritur forcat policore, ku nga hetimet paraprake ka rezultuar se një person i paidentifikuar ka shkuar për të vjedhur në lokalin e shtetasit: A. B. në dalje të fshatit Shkallë.
Pronari i lokalit që ka edhe banesen ngjitur me lokalin ka dëgjuar se dikush ka hyrë në lokalin e tij dhe ka njoftuar një bashkëfshatarin e tij për ndihmë, shtetasin P.Sh.
Gjatë momentit që bashkëfshatari po shkonte për ndihmë, personi i paidentifikuar ka qenë duke u larguar nga lokali nga ku kishte marre rreth 10,000 lekë të rinj (monedha) dhe në anën e pasme të lokalit ka qëlluar me armë zjarri shtetasin: P.Sh. 44 vjeç, i cili ka mbetur i vdekur.
Autori i ngjarjes është larguar menjëhere pas kryerjes së krimit. Është ngritur një grup i posaçëm hetimor si dhe janë ngritur postoblloqe për kapjen e autorit.
Deri më tani, Policia ka shoqëruar 19 persona (si të dushuarit kryesorë në atë zonë) si dhe është bllokuar një automjet i cili mendohet se mund të ketë lidhje me autorin (ngjarjen).
Gjithë strukturat e Policisë, specialiste kriminalistikë dhe të krimeve të rënda të Policisë Vlorë, janë duke punuar për dokumentimin e ngjarjes dhe kapjen e autorit.
