Deputeti i Partisë Socialiste Pandeli Majko ne takimin e radhës për anatarsimet e reja në PS, ka shfrytëzuar rastin për të thumbuar kryeministrin Edi Rama. Ndersa kreu i qeverisë e ftoi të jepte teserat për të rinjtë e Tiranës që anëtarësohen në PS. Majko, sapo mori fjalën, i kujtoi se duhet të bënte kujdes teksa i jepte atij këtë “detyrë”.
“Unë në fakt e kam pak doirën ters… se ia kam dhënë teserën Koço Kokëdhimës. Ia kam dhënë edhe Ben Blushit. Kështu që, zgjidh e merr tani mes të dyve, se nga ana e cilit do shkosh…”,- tha Majko duke ju drejtuar të riut të punësuar në administratën publike dhe indirekt Edi Ramës.
Kjo batutë duket se e vuri në siklet kryeministrin Rama, i cili fillimisht nuk preferoi t’i përgjigjej, por më pas tha se: “Këtu shumë kanë ardhur dhe kanë ikur por Pandi u ka mbijetuar të gjitha dallëgeve në PS. Prandaj dhe unë shkoj gjithmonë pas Pandit dhe më ecin mirë gjërat… po edhe ti pas Pandit shko…” i tha Rama të riut që mori teserën e PS.
JA BISEDA E PLOTE
Rama: Do doja të ftoja Armand Alushin dhe kartën Armandit t’ia japë Pandeli Majko. Po para se të ta japë kartën duhet ta vlerësoj nëse ti e meriton apo jo, kështu që thuaj ti dy fjalë, pastaj Pandi…
Majko (duke qeshur): Jo, jo, ti mos thuaj asnjë fjalë vëlla, por problemi është se unë kam një çikë dorë të keqe, se i kam dhënë teserën Koço Kokëdhimës dhe është kontravers ai. Ia kam dhënë edhe Ben Blushit. Kështu që tani zgjidh në mes dy alternativave tani, zgjidh nga do të shkosh. Por të dyja janë brenda, mos u shqetëso. Vazhdo, hë fol!
Rama: Këtu shumë kanë ardhur dhe kanë ikur por… Pandi u ka mbijetuar të gjitha dallëgeve në PS. Prandaj dhe unë shkoj gjithmonë pas Pandit dhe më ecin mirë gjërat… po edhe ti pas Pandit shko…
