Ndryshimet e shpejta teknologjike po ndryshojnë edhe sinjalistikën e tabelat rrugore. Kohët e fundit është vënë re një tendencë që po vjen gjithmonë e më shumë në rritje e njerëzve të cilët fokusohen mbi ekranet e celularëve të tyre, iPad-ëve e aparateve të ndryshëm smartphone.
Kjo ka bërë që autoritet përkatëse në Suedi të vendosin në rrugët kryesore tabela të cilat informojnë kalimtarët se mund të përballen me persona të fokusuar në telefonat e tyre. “Kujdes mund të përballeni me njerëz që nuk e kanë mendjen në rrugë”, këtë tregojnë tabelat e vendosura.
Numri gjithnjë e në rritje i incidenteve të këtij lloji, ka çuar në marrjen e vendimit të mësipërm dhe i paralajmëron drejtuesit e automjeteve të tregohen të kujdesshëm pasi këmbësorët mund të rrezikojnë jetën për shkak të pavëmendjes së tyre.
