Ish Presidenti i Republikës, Bamir Topi përvecse bën përgjegjës Sali Berishën për ngjarjet e 21 janarit 2011, thotë se ajo ka qënë edhe dita kur janë prishur përfundimisht bashkë, Presidenti i vendit me Kryeministrin e asaj periudhe.
Duke folë në Klan Kosova. kryetari i FRD-së kujton se krisja e tij me Berishën ndodhi për shkak të termave të një deklarate gjatë konferencës për shtyp, mesditën e 21 janarit.
“Në datën 21 janar, unë kam dalë me një deklaratë në drekë dhe mesa duket ajo deklaratë e ka shqetësuar shumë z.Berisha, sepse fola për “ngjarje në bulevard” dhe mesa duket atij i interesonte që të flisja për ngjarje në Kryeministri”.
Në vijim Topi është shprehur me skepticizëm për reformën në sistemin e drejtësisë duke kritikuar përfshirjen e ish-ministrave në këtë reformë.
“Ilir Rusmali u mor si ekspert i qeverisë. Ky është një paradoks dhe çudi e madhe. Enkelejd Alibeajn e ke atje. Eduard Halimin e ke atje”, thotë Topi.
Topi nuk ka asnjë problem se pse ish ministri i drejtësisë në qeverisjen e PS-së, Fatmir Xhafa është ndërkaq kryetra i Komsionit të Reformës në Drejtësi.
