LSI ndryshe nga PS, zgjedhje në pranverë Ilir Meta do ti nënshtrohet votimit

Në pranverë Lëvizja Socialiste për Integrim do të zhvillojë zgjedhje për strukturat e saj, dhe vetë kryetarin. Në një intervistë për “Report” TV, Sekretari i Përgjithshëm i LSI-së thotë se partia e udhëhequr nga Ilir Meta do të zbatojë me përpikëri statutin e partisë.
Luan Rama thotë se zgjedhjet do të bëhen, edhe nëse nuk do të deklarohet asnjë kandidat për kryetar të partisë.
“Me ose pa rivalë edhe Meta do të votëbesohet”, shprehet Luan Rama.
Sipas statutit të LSI-së zgjedhja e kryetarit bëhet me parimin një anëtar një votë.
Deklarata e sotme e Luan Ramës vjen pas debateve që kanë përfshirë PS-së, ku kryetari i saj, Edi Rama, refuzon ti nënshtrohet votimit në garën për kryetarin e partisë.