Këngëtari i famshëm David Bowie ka ndërruar jetë në moshën 69-vjeçare, pas një beteje me kancerin. Lajmin e ka konfirmuar djali i tij, regjisori Duncan Jones, nëpërmjet një komunikate për mediat. Pak ditë pas ditëlindjes së tij të 69, është ndarë nga jeta i ashtuquajturi “Duka i Bardhë”.
“David Bowie ndërroi jete i rrethuar nga familjarët e tij, pas një beteje të guximshme 18-mujore me kancerin”, lexohet në komunikatë.
Këngëtari kishte nxjerrë në treg albumin e tij më të ri ditën e premte, ndërsa performanca e tij e fundit “live” ka qenë në Nju Jork, në një koncert bamirësie në vitin 2006.
David Bowie është bërë i famshëm në vitin 1972 me “The Rise and Fall of Ziggy Stardust” dhe “Spiders From Mars”. Këngët e tij më të njohura përfshijnë “Let’s Dance”, “Space Oddity”, “Heroes”, “Under Pressure”, “Rebel, Rebel, Life on Mars” dhe “Suffragette City”.
