Eksperti i opozitës Enkelid Alibeaj tha sot në një intervistë në news24 se PD nuk do të jetë dakord me asnjë prej vendimeve të mazhorancës që shkon kundër rekomandimeve të Venecias.
Ish-ministri i Drejtësisë, Alibeaj tha se opozita ka kundërshtime që janë konform me ato cfarë ka kundërshtuar komisioni i Venecias në draftin eparë të paraqitur nga mazhgoranca.
Alibeaj shpjegoi se Venecia ka vënë re numrin e madh të organeve të krijuara për menaxhimin e drejtësisë, pasi ky numër i madh e komplikon administrimin e saj. Krijimi i Këshillit të Emërimeve në Drejtësi e komplikon strukturën e gjyqësorit. Përbërja e këtij organi duhet shqyrtuar nga afër.
Alibeaj tha se së pari ne e kemi për detyrë që ta thjeshtëzojmë sistemin dhe së dyti të shmangim kapjen nga politika. Propozuam sipas Venecias që gjyqtarët të zgjedhin anëtarët e keshillit të lartë gjyqësor dhe jo Këshilli i Emërimeve në Drejtësi.
Qeveria kërkon të mbajë 9 institucione të reja për menazhimin e drejtësisë. Sipas Venecias është e pamundur që të gjesh kaq shumë njerëz me integritet në këtë vend të vogël .
Është propozura ngritja e Inspektoriatit të Lartë të Drejtësisë që emërohet me 3/5. Përtej kësaj kanë vendosur të kontrollohen nga ministri i Drejtësisë. Pra ministri kontrollon Inspektoriatin dhe ky i fundit sistemin e drejtësisë.
Ne kërkojmë që gjykata e lartë administrative nuk duhet të ngrihet. Ka debat mbi gjykimin administrativ me gjykata administrative. Janë pak 3 vite për të konkluduar se sa mirë apo keq funksionon ky sistem. Gjykata e Lartë mund të kryejë këtë funksion. Duke ngritur dy gjykata lind problemi i konfliktit mes tyre lidhur me kompetencat. Kur lind ky konflikt kush do ta zgjidhë, i bie e gjykata kushtetuese, cfarë Venecia nuk e pranon këtë lloj ndërhyrje të Kushtetueses.
Mazhoranca ka thënë se Presidenti të mos jetë anëtar i KLD-së. Opozita është dakord dhe kërkoi që edhe ministri i Drejtësisë të mos jetë anëtar i KLD. Por Venecia ka thënë se Presidenti duhet të ketë një rol të vogel në procesin e emërimeve në drejtësi.
Lidhur me Prokurorin e Përgjithshëm, Alibeaj tha se Venecia sugjeron që ndërprerja e mandatit të tij nuk është e domosdoshme.
Në fund Alibeaj tha se 3/5 krijon politizim të sistemit të drejtësisë, pavarësisht se mes kujt arrihet kjo lloj shifre.
Lidhur me propozimet e ministrisë së Drejtësisë që emërimet në gjyqësor dhe prokurori të bëhen nga këshilla të gjyqtarëve dhe porkurorëve, Alibeaj tha se nuk mund të japë komente fundore se nuk është i njohur mirë me këtë, por nëse ka mekanizëm balancues jo korporatizëm dhe jo politizim mund të jetë zgjidhje e mirë.
Alibeaj tha se ka hedhur një propozim konsensual sipas te cilit te fillojme me 2/3 e votave deri ne zgjedhjet e tjera per te vijuar me pas me 3/5, me të cilin kanë qënë dakord ekspertet amerikanë dhe në parim edhe ekspertet e mazhorances.
