Policia e Tiranës ka bërë të ditur se janë arrestuar dy persona për veprat penale “Korrupsion pasiv i personave që ushtrojnë funksione publike, kryer në bashkëpunim” dhe “Ushtrimi i ndikimit të paligjshëm ndaj personave që ushtrojnë funksione publike”.
Të njëjta burime saktësojnë se, nga ana e Seksioni për Korrupsionin, në Drejtorinë e Policisë Vendore Tiranë, në bashkëpunim me Prokurorinë e Rrethit Gjyqësor Tiranë, “Njësia Task Forcë” në funksion të procedimit penal të vitit 2016, sot më datë 06. 01. 2016, janë ekzekutuar urdhrat e ndalimit ndaj,
Taulant Manaj, me detyrë specialist i Agjencisë Rajonale të Mjedisit, pranë Ministrisë së Mjedisit, Tiranë dhe Florian Progri, lindur në Peqin dhe banues në Tiranë
Këta persona në bashkëpunim me njëri-tjetrin kanë marrë një shumë prej 350.000 lekë (të reja), për dhënien e një leje mjedisore, procedim i nisur kryesisht pas shfaqjes së filmimeve në emisionin “Stop”në datë 04. 01. 2016, në TV “Klan”.
Policia po punon për identifikimin e personave/bashkëpunëtorëve të tjerë të përfshirë në këtë veprimtari kriminale.
Materialet janë referuar në Prokurorinë e Rrethit Gjyqësor Tiranë, për veprat penale “Korrupsion pasiv i personave që ushtrojnë funksione publike, kryer në bashkëpunim” dhe “Ushtrimi i ndikimit të paligjshëm ndaj personave që ushtrojnë funksione publike” të parashikuara nga nenet 259-25 dhe 245/2 të Kodit Penal.
Të arrestuarit
1. Taulant Manaj, 30 vjeç, lindur në Tepelenë dhe banues në Tiranë, me detyrë specialist i Agjencisë Rajonale të Mjedisit, pranë Ministrisë së Mjedisit, Tiranë.
2. Florian Progri, 23 vjeç, lindur në Peqin dhe banues në Tiranë
