Tirana në mënyrë të përsëritur doli sot nga shtrati i saj. Dalja e saj nga shtrati ka krijuar një situatë problematike në disa zona. Vështirësi hasen edhe në qarkullimin e mjeteve.
Përmbytje ka pasur edhe në zonën e “Don Boskos” dhe “Siri Kodra”.
Përmbytje ka pasur edhe në Kombinat, Shkozë, rruga “Irfan Tomini”, “Komuna e Parisit”, Lulishte “1 Maji”, Selitë, Lanabregas etj. Në Kombinat nxënësit e një shkolle janë evakuuar pas situatës kritike të përmbytjeve. Dalja e radhës nga shtrati ka “përmbytur”, propagandën dhe demagogjinë e kryebashkiakut Erion Veliaj.
Në ditë e para të mandatit të tij, Veliaj, herë vetë, por edhe duke ia lënë vendin herë-herë edhe zëvendësit të tij Mazniku, shfaqeshin në buzë puseatsh, ku monitoronin dhe asistonin zhbllokimet pusetash të ujërave të bardha e të zeza. Sigurisht, para kamerave të televizioneve, nuk harronin propagandën e demagogjinë baltosëse mbi pararendësin por edhe “shpresëdhënëse” se situatat e përmbytjeve nuk do të përsëriteshin në Tiranë.
Shirat e sotme treguan të kundërtën, dhe pas situatës së re të përmbytjeve, Erion Veliaj e ka gati edhe deklaratën shfajësuese, sipas së cilës…, “shirat e sotme janë më të mëdhatë të rëna ndonjë herë në 10 vitet e fundit…”.
FOTO/ Gjysma e Tiranës nën ujë, shirat “përmbytin” edhe propagandën dhe demagogjinë e Erion Veliajt
