Takimi i Olsi Ramës me përfaqësuesit e firmës kineze
Ministria e Zhvillimit Ekonomik, Turizmit, Tregtisë dhe Sipërmarrjes ka vendosur të shtyjë shpalljen e fituesit për zonën e lirë ekonomike të Spitallës, deri në një kohë ende të pacaktuar.
Ndonëse sipas afateve fillestare, fituesi duhej të shpallej 30 ditë pas zhvillimit të tenderit komisioni i vlerësimit të ofertave e ka shtyrë vendimit.
Burime zyrtare nga Ministria e Zhvillimit Ekonomik i thanë “Top Channel” se Komisioni i Vlerësimit të Ofertave ka kërkuar më shumë kohë për të bërë verifikimet mbi ofertën e kompanisë kineze. Sipas këtyre burimeve, ligji ia jep të drejtën komisionit që ta shtyjë shpalljen e fituesit për të kryer verifikime shtesë.
“Top Channel” ka mësuar se qeveria shqiptare, përkatësisht Ministria e Zhvillimit Ekonomik, Turizmit, Tregtisë dhe Sipërmarrjes ka kontaktuar kompaninë Deloite për të verifikuar dokumentacionin e kompanisë kineze, e cila dha dhe ofertën pretendente në tender.
Hapja e ofertave, ku merr pjesë edhe përfaqësuesi i firmës kineze që mirëpriti Olsi Ramën
Pas vitesh të tëra zvarritje dhe dështimesh,Shqipëria zhvilloi tenderin e parë për ndërtimin e një zone të lirë ekonomike në 28 tetor të vitit të kaluar. Në tender u paraqitën dy oferta. E para nga një konsorcium kompanish kineze nën emrin Zhejiang Haiteng Investment, që parashikonte 1.5 miliardë dollarë investime dhe mbi 90 mijë vende pune, ndërsa e dyta nga një kompani italiane.
Kjo kompani është denoncuar edhe nga mediat, për lidhje të dyshimta me Olsi Ramën vëllanë e kryeministrit shqiptar, miqësi që konfirmohen edhe nga vizitat reciproke “të palëve” të fokusuar edhe në disa foto.
Sipas afateve fillestare komisioni duhet ta shpallte ofertën fituese 30 ditë pas zhvillimit të tenderit, pra në datën 28 nëntor, por procesi po rezulton më i gjatë nga çfarë pritej fillimisht.
Për më shumë mund të lexoni edhe …
FOTO – SPITALLA ZONË E LIRË/ Fituesi kinez i tenderit u paracaktua një vit më parë, pas takimit me Olsi Ramën
/web/FOTO_SPITALLA_ZON_ELIR_Fituesi_kinez_i_tenderit_u_paracaktua_nje_vit_me_pare_pas_takimit_me_Olsi_Ramen_9179_1.php
Si edhe …
FOTO/ RD: Olsi Rama, vëllai i Kryeministrit, pas kompanive kineze që do marrin Spitallën
/web/FOTO_RD_Olsi_Rama_vellai_i_Kryeministrit_pas_kompanive_kineze_qe_do_marrin_Spitallen_9151_1.php
