Tirana, po përjeton ende qetësinë e ditëve të festive, duke refuzuar zhurmën e trafikut të përditshëm. Pak automjete numërohen në rrugët e kryeqytetit, ndërsa bulevardet janë zbarzur nga njerëzit.
Duke i qëndruar besnik traditës, një pjesë e qytetarëve shkëmbejnë vizitat tek të afërmit, duke i përcjellë urimin e një viti të mbarë. Të tjerë, festën e kanë zhvendosur nga tryeza familjare, në një vakt me ushqim të shpejt, mes miqsh.
Ka edhe nga ata që e provojnë nëse ky vit do u sjellë fat
As dyqaneve nuk u është hequr dryni. Shitësit kanë zgjedhur ti gëzohen ditëve të pushimit, duke i lënë kështu edhe klientet e tyre të kursejnë pak.
Hapur janë vetëm pika që tregëtojnë fruta perime, por edhe ato të rralla.
Fundjava, duket se lë shteg, që ditët e qeta të zgjasin, deri të henën, kur boritë e makinave të zhurmojnë sërisht, dhe bulevardet të gjallërohen nga kalimtarë dhe të qeshurat e të vegjëlve.
/Oranews.tv/
