Në retorikën e tij për sa i përket kushteve të Shqipërisë për marrjen e statusit të vendit kandidat në BE, kryeministri Edi Rama sërish ka vijuar të fajësojë BE-në. Për ta bërë”të besueshme” këtë pretendim, ai “futi në thes” edhe Kosovën, sipas të cilit po privohet nga mosliberalzimi i vizave.
“Kemi marrë statusin dhe jemi në një proces absolutisht transparent për të çelur negociatat. Nuk varet vetëm nga ne. Mjafton të shihni shembullin e Kosovës për të kuptuar që vendimmarrja e BE nuk është thjesht çështje teknike. Për çfarë arsye iu vonohet liberalizimi i vizave? Arsyeja është politike. Jam shpresëplotë që shumë shpejt Kosova do çlirohet nga shtrëngimi absurd. Ishin në diktaturë dhe lëviznin më lirisht, janë në shtetin e tyre demokratik dhe nuk lëvizin dot. Shpresoj që viti i ardhshëm të çlirojë Kosovën. Nëse nga pikëpamja teknike do qëndronim strikt, negociatat duhet të ishin hapur”, u shpreh midis të tjerave Edi Rama.
Rama: (Mos)integrimi i Shqipërisë, “fajin e ka” BE dhe arsyet janë politike
