Deputeti i PD-së, Genc Pollo, ka ironizuar takimin e kryeministrit Edi Rama me nxënësit e dalluar. Duke i kujtuar disa premtime të pa mbajtura, në fushën e arsimit, Pollo shkruan midis të tjerave në “Facebook” se “nga ‘revolucioni’ mbeti shablloni.”.
Postimi i potë i Genc Pollos në “Facebook”
“Rama mes nxënësve me deklarime e premtime pa kuptim. Flet për revolucion në tekstet shkollore por vetëm kufizoi konkurrencën (nuk arriti dot të realizonte monotekstin, praktikë e degraduar). Përmend botues anglezë por përkthimi e përshtatja në një gjuhe tjetër për nxënës të një vendi tjetër është kyçi i suksesit/dështimit. Pra nga ‘revolucioni’ mbeti shablloni.
Nuk foli për tableta apo kurikul digjitale të premtuar këto dy vjet sepse ato ‘i hëngri’ tenderi i ministrisë e nuk teproi gjë për nxënësit”.
