X Factor në Britani ka mbajtur finalen e madhe të edicionit të vitit 2015, ku pjesë e kësaj jurien ishte edhe Rita Ora.
Rita për herë të parë në këtë program, ka arritur të triumfojë, pasi që Louisa Johnson, kokurrentja e saj 17 vjeçare ka marrë vendin e parë duke mposhtur djemtë e Cheryl, Reggie N Bollie.
Gjatë kësaj mbrëmjeje kanë performuar edhe grupi Coldplay dhe Adele, të cilët edhe kanë dëshmuar se janë fansa të programit dhe se e kanë përcjellë secilin episod këtë edicion. Madje, Adele ka treguar se favoritja e saj ishte Lauren Murray, konkurrentja tjetër favorite e Ritës. One Direction kanë performuar dy këngë, duke bërë kështu paraqitjen e fundit bashkë para se të shkojnë në pauzën e paralajmëruar, transmeton lajmi.net.
Pas shpalljes së fitueses, Rita ka falënderuar përzemërsisht Simon Cowell për mundësinë që i ka dhënë asaj dhe Louises gjithashtu.
