Një 49-vjeçar u gjet dje i vdekur në makinën e tij ndërkohë që policia u njoftua nga kalimtarë.
Makina ishte pranë lumit Tërkuzë, në dalje të Kamzës dhe kishte disa orë që nuk lëvizte cfarë kishte zgjuar dyshimin e banorëve afër saj.
Në vendin e ngjarjes shkuan menjëherë shërbimet e Komisariatit nr.5, të cilat gjetën viktimën, identiteti i të cilit u mësua nëpërmjet kartës së tij të identitetit dhe dokumenteve të makinës.
Burimet thanë se viktima është shtetasi Ismail M., 50 vjeç, baba i 3 fëmijëve, i cili në momentin kur është gjetur nga Policia, nuk kishte asnjë shenjë jete.
Sipas Mjekësinë Ligjore, ai është gjetur 48 orë pasi kishte vdekur nga vetëhelmimi me fotoksinë.
Bashkëshortja e viktimës ka deklaruar se dyshimi i saj i vetëm për vetëvrasjen e të shoqit është pamundësia që ai ka pasur për të shlyer një borxh prej 1 milion lekësh të rinj, që e kishte marrë disa personave prej shumë kohësh.
