Qeveria shqiptare ka nënshkruar një kontratë më vëllain e deputetit socialist Parid Cara, Besim Cara i cili është aksioner në kompaninë Vebo Invest.
Regjistri i gjendjes civile ku vërtetohet lidhja mes Paridit dhe Besimit
Është kjo kompani që ka përfituar 80 ha tokë në Paskuqan të Tiranës për të ndërtuar varrezën e parë private në Shqipëri.
Vendimi i qeverise për të lidhur kontratën me Vebo Invest
Qeveria e ka marrë vendimin në maj të këtij viti mbështetur mbi një propozim nga Vebo Invest.
Vendimi i qeverisë është bërë publik më 27 maj 2015 dhe në 7 pikat e tij autorizon ministrinë e Zhvillimit Urban për lidhjen e kontratës dhe ndjekjen e punimeve që do të kryhen nga Vebo Invest.
Vebo Invest është krijuar është krijuar një vit para daljes së vendimit. Sipas dokumentit të QKR ajo është regjistruar më 5 mars 2014 dhe ka 3 aksionerë, 40 % të të cilave mbahen nga vëllai i deputetit Cara, ndërsa pjesa tjetër nga shtetasit italian Filipo dhe Michele Rosi përkatësisht me nga 35 dhe 25 % aksione.
Aksionerët e kompanisë Vebo Invest
Shoqëria ndër të tjera ka si objekt edhe krijimin e varrezave.
“Administrimi i varrezave dhe të gjitha shërbimeve lidhur me varrezat, shërbimet e varrimit, shërbimet e furnizimit të ushqimeve dhe katering në përgjithësi, dhe të gjithë shërbimet e tjera që lidhen me shërbimet funerale, administrimi i vendeve te pushimit, tregtimi i produkteve të lidhura me veprimtaritë e mësipërme etj”, thuhet ne ekstraktin e kompanisë.
Selia e kësaj shoqërie është në Tiranë edhe pse deputeti është nga Kavaja dhe përfaqëson këtë zonë.
