Partia Demokratike do të mbledhë në orën 18:00 Kryesinë e partisë.
Mbledhja është lajmëruar se do të zhvillohet me dyer të mbyllura dhe vjen pak ditë pas protestës së 8 dhjetorit dhe një ditë pas 25-vjetorit të themelimit të partisë. Kreu i PD-së, Lulzim Basha dhe figurat e tjera kryesore të PD-së pritet të vendosin për vijnë opozitare që do të ndiqet.
Gazeta “Panorama” shkruan se protesta e radhës do të jetë më 17 dhjetor dhe gjithashtu do të ketë një protestë dhe me 21 dhjetor. Protesta e parë do të mbahet ditën e enjte, kur në Kuvend pritet të miratohet nen për nen buxheti i vitit 2016. Detajet mbi organizimin e protestave pritet të vendosen gjatë mbledhjes së Kryesisë.
