Pas dy javësh negociata, në Paris është arritur një marrëveshje historike, e cila kufizon rritjen e temperaturave globale me më pak se dy gradë celsius.
Pakti për ndryshimet klimatike është i pari ku të gjitha vendet angazhohen për të kufizuar emetimet e karbonit.
Sipas BBC, marrëveshja është pjesërisht e detyrueshme ligjërisht dhe pjesërisht vullnetare.
Presidenti i kësaj konference dhe ministri i Jashtëm i francës, Laurent Fabius tha: “Tani ftoj vendet që të miratojmë vendimin. Shoh se reagimi është pozitiv, nuk ka asnjë kundërshtim. Marrëveshja e Parisit është miratuar”.
Ndërkohë delegatët u ngritën në këmbë duke duartrokitur dhe brohoritur.
Rreth 200 vende negociuan për të nënshkruar të parën marrëveshje për klimën që detyron të gjitha vendet të kufizojnë emetimet.
Ajo hyn në fuqi në vitin 2020.
Ndër të parët që reagoi pas marrëveshjes ishte presidenti amerikan, Barack Obama.
Ai tha se është një marrëveshje e madhe.
Masat që përfshihen parashikojnë mbajtjen e temperaturave globale nën një nivel rritje prej 2 gradë celsius dhe vazhdimin e përpjekjeve për ta ulur në 1.5 gradë.
Ndërkohë 100 miliardë dollarë do jepen në vit si financime për klimën për vendet në zhvillim.
Progresi i marrëveshjes do rishikohet çdo pesë vjet.
Ne kete conference ishte edhe Presidenti Nishani ku mbajti fjalen e tij dhe mbeshteti projektin boteror te klimes.
