UEFA ka publikuar shifrën rekord që do të përfitojë skuadra fituese e evropianit e cila pritet te jetë 27 milionë euro.
Agjencitë e huaja të lajmeve thonë se kjo shifër është 3 milionë euro më e lartë se në vitin 2012, kur Kampione e Evropës shpallej Spanja.
UEFA duket se nuk do të lërë pas dore edhe skuadrat e tjera që do të marrin pjesë në këtë kompeticion.
Rreth 301 milionë euro pritet të ndahen mes 24 skuadrave pjesëmarrëse në “Euro 2016”.
Deklarata e UEFA-s duket se është një lajm i mirë edhe për Kombëtaren shqiptare të futbollit, e cila pritet të njihet nesër zyrtarisht me kundërshtarët e saj.
Të gjitha skuadrat pritet të marrin nga 8 milionë euro secila për pjesëmarrjen. Gjatë ndeshjeve në grup ka premio prej 1 milion eurosh për fitore dhe 500 mijë euro për barazimin.
