Ish drejtori i postës, Ardit Cela ka kundërshtuar idenë e ministrit Blendi Klosi qëbankat të bëjnë shpërndarjen e pensioneve.
“ Po dëgjoj ministrin e ri z. Blendi Klosi i cili deklaron se Bankat e Nivelit të Dytë duhen të jenë zgjedhja e parë për shpërndarjen e pensioneve dhe jo Posta Shqiptare.
Deklaratë e nxituar dhe e gabuar !
Posta Shqiptare ka mbi 553 pika në të gjithë Shqipërinë dhe është zgjidhja më e mirë. Nuk ka zyra bankare nëpër fshatra. Nuk ka zyra bankare në periferi. Nuk e bëjnë bankat shpërndarjen e pensioneve në shtëpi. Nuk e përdor dot bankomatin pensionisti 80-vjeçar. E mbi të gjitha, një propozim i tillë bje ndesh me VKM-të që e përcaktojnë Postën Shqiptare si zgjedhjen e parë për kryerjen e shërbimeve financiare. Uroj qe qeveria të mos e lejoj një gabim të tillë. Shkon ndesh me interesat e qytetarëve e mbi të gjitha, Posta Shqiptare është kompani me kapital 100% shtetëror , dhe ne duhet të mbrojmë publiken e të mos ia shesim çdo gjë privatit !”, shkruan Cela.
