Gjykata e Apelit në Tiranë ka ndryshuar masën e sigurisë për Prokurorin Petrit Vukaj duke vendosur ta lërë atë në arrest shtëpie nga arrest me burg që kishte vendosur Gjykata e Shkallës së Parë në Tiranë.
Avokatët e Prokurorit të arrestuar kërkuan zbutjen e masës së sigurisë për shkak të gjendjes shëndetësore të Vukajt. Natën e arrestimit ai u dërgua me urgjencë në spital për shkak të problemeve kardiake.
Prokurori Vukaj ka mohuar akuzëne korrupsionit pasiv nëpërmjet marrjes së një shume parash në këmbim në kërmbim të favoreve proceduriale.
“Në 20 vite punë në Prokurori, përveç pagës sime nuk kam marrë asnjë lloj përfitimi tjetër. Kurrë.”, ka thënë ai gjatë senacës së vlerësimit të arrestimit në gjykatën e Shkallës së Parë para pak ditësh.
Sipas Vukajt edhe cështja për të cilën ai akuzohet për korrupsion ka një vijimësi proceduriale normale.
“Vetëm kur janë normalizuar marrëdhëniet mes familjeve të të dëmtuarit dhe të akuzuarit, kjo me akt të shkruar dhe me deklarim para oficerit të Policisë Gjyqësore, vetëm atëherë ne kemi rëndë dakord, si organ akuze, që të kërkojmë dënim e tij me burg dhe më pas, zëvendësimin e tij me një dënim në shërbim të proves”, ka pretenduar Vukaj.
“Nëse unë do të isha i përfshirë në krijimin e lehtësirave procedurale, nuk do të kisha kërkuar arrest në burgpo kisha gjithë hapësirën e mundshme për të kërkuar masa më të buta”, ka shpjeguar ai.
