Ambasadori gjerman e ndoqi nga afër protestën e opozitës dhe një foto e tij mes protestuesve të 8 dhjetorit afër Ministrisë së Brendshme, duke parë nga afër atë që ndodhte tek bunkeri u shpërnda me shpejtësi në internet, cfarë dha mudnësi për hamendje të ndryshme.
Por një shrkim i botuar në Standard e ka detyruar ambasadorin të bëjë një shpjegim më të qartë duke shuar cdo ekuivok rreth arsyeve se pse ai ishte atje.
Ambasadori thotë se jam mësuar tanimë me raportimin e keq të asaj, që unë them në publik në median shqiptare, por si rregull ndjek parimin të mos reagoj ndaj keqinterpretimeve. Por është një nonsens absolut të pretendohet se unë kam qenë gjatë demonstratës së dhunshme pranë Ministrisë së Punëve të Brendshme në pasditen e 8 dhjetorit “si një protestues i zakonshëm”, dhe është një gënjeshtër e hapur të thuhet se “kam qëndruar atje deri në të fund” sic shkruhet në një artikull të gazetës “Standard” i datës 10 dhjetor 2015 me titull “Protestuesi i Nderit” , ribotuar nga Albanian Daily Neës.
E vërteta është që atë ditë më duhej gjithsesi të kaloja përmes sheshit Skënderbej dhe duke qenë se unë parapëlqej të krijoj një përshtypje të dorës së parë të asaj që ndodh në situata të tilla, shkova rreth pesë minuta për ta bërë këtë. E në fakt ajo që pashë më tronditi, çka shërbeu për mua si një motivim shtesë për të shprehur publikisht mbështetjen time të qartë për deklaratën e publikuar nga Delegacioni i BE atë mbrëmje, e cila dënonte përdorimin e dhunës në demonstratë dhe u bënte thirrje palëve të interesuara që të distancoheshin nga sjellje të tilla të papranueshme. E konsideroj vërtet mjaft për të ardhur keq faktin, që përkujtimi i protestave studentore të 8 dhjetorit 1990 u keqpërdor në atë mënyrë”, shkruan ambasadori i cili edhe pse thotë se është mësuar me keqinterpretimet e deklaratave të tij, duket se nuk është mësuar ende.
