Kryetari Grupit Parlamentar të socialist, Gramoz Ruçi ka deklaruar se PS është menjëherë e gatshme për fillimin e procesit që do të sjellë zbatimin e rekomandimeve të OSBE/ODIHR-it. Ndërkohë lidhur me një projektvendim që shoqëronte letrën e Ilir Metës për grupet parlamentare, Ruci shprehet për diskutime apo konsultime paraprake rreth përmbajtjes së tij.
Projekt-vendimi ka 12 pika. Në projekt-vendim thuhet se komisioni duhet të drejtohet nga dy bashkëkryetare, një nga PS dhe një nga PD, ndërkohë komisionit do t’i atashohen edhe ekspertë teknikë. Anëtarësia e Komisionit propozohet të jetë e përbërë nga 5 anëtarë të shumicës dhe 5 të pakicës, shkruan topchannel.
Në vijim të projektvendimit theksohet se “cdo parti parlamentare ka të drejtë të propozojë amendamente për diskutim dhe miratim. Shumica parlamentare mirëpret propozimet e pakicës parlamentare të bazuar në rekomandimet e OSBE/ODIHR-it dhe palët angazhohen të gjejnë konsensin në lidhje me to”.
Letrës së Metës i është përgjigjur edhe opozita nëpërmjet kreut të Grupit Parlamentar, Edi Paloka.
“Çdo qeveri që do të bëjë zgjedhjet, edhe ajo teknike që ne kërkojmë, sigurisht që do të ketë edhe një Kod të ri Zgjedhor. Ky do të jetë një nga hapat për të shkuar në zgjedhje të lira dhe të ndershme. Pala tjetër është pak e besueshme, por tradita e do që ndryshimi i Kodit të bëhet me konsensusin e të gjitha palëve”, tha Paloka.
