Presidenti Bujar Nishani ka adresuar sot kritika mbi qeverinë se nuk ka bërë asgjë për të celebruar 8 dhjetorin. Duke folur para duke folur përpara nxënësve ekselentë dhe dekanëve të universiteteve, në një aktivitet për 25-vjetorin e rënies së regjimit komunist, Presidenti e vlerësoi këtë ditë si ditë kujtese të shenjë për atë çfarë ka ndodhur gjatë viteve të regjimit të egër komunist.
“Viti 2015 përkon me 25 vjetorin e rënies së regjimit komunist në Shqipëri. Thirrja simbol ishte ‘liri, demokraci’ në atë kohë. Demokracia ende mbetet një sfidë shumë e madhe e shoqërisë për tu ndërtuar, si një përvjetor domethënës në kuptimin historik por më shumë përmbajtjesor… Gjykova si një obligim institucional që edhe në Shqipëri që ishte vendi që e përvuajti në mënyrë ekstreme sistemin e regjimit totalitar, ishte vendi që doli më i fundit nga ky kalvar i gjatë vuajtjesh, persekutimesh, t’i jepnim dhe ne dimensionin që meritonte, vlerësimin e figurave dhe refleksioneve të brezit aktual për më tutje. Ishte e denjë për shoqërinë shqiptare që 25 vjetori i rënies së sistemit komunist dhe hyrjes në liri të celebrohej në mënyrë të organizuar shtetërore, me një platformë të qartë që t’i përmbante të gjitha dimensionet, kujtesën, dënimin e së keqes, vlerësimin e njerëzve antikonformistë, dhe natyrisht refleksionin mbi idealet që e ngritën… Gjithsesi mungesa e një bashkërendimi institucional dhe aktorëve shoqërorë nuk tregon civilizim… Ndaj gjykova për t’i dhënë profilin shtetëror celebrimit të një periudhe shumë të gjatë që kulmojnë me dhjetorin e 90-së, të merrja në patronazh dhe të nxisja krijimin e disa veprimtarive modeste por me një qëllim, për të mos harruar dhe për të transmetuar mos harresën tek ata që duhet ta përçojnë stafetën më tutje, që është brezi i ri”, u shpreh midis të tjerave Presidenti Bujar Nishani.
Nishani tha se Shqipëria në këto 25 vite Shqipëria është transformuar, duke pasur edhe dështimet. Kreu i Shtetit bëri edhe një bilanc të atyre që kanë vuajtur, janë ekzekutuar, apo kanë humbur jetë si pasojë e torturave.
Presidenti theksoi se krimet e periudhës së komunizmit duhet të hetohen dhe të zbardhen edhe me ligjet e kohës së sotme.
Nishani sulmon qeverinë: Mungoi organizimi shtetëror i përkujtimi të 25 vjetorit të rënies së komunizmit
