Një pallat në afërsi të zonës së Kopshtit Botanik në Tiranë po rrezikon të shembet. Shkak janë bërë rrëshqitjet e dherave, pas punimeve të lëna përgjysmë gjysmë nga një firmë ndërtimi. Kjo firmë ka gërmuar shumë në afërsi të pallatit që mund ti shkaktoj atij shembje. Banorët e këtij pallati kanë njoftuar me urgjencë policinë, e cila sapo mbërriti në vendngjarje nisi evakuimin e tyre. Nga të dhënat paraprake mësohet se evakuimi i rreth 20 familjeve ka nisur që ditën e djeshme, ndërsa disa prej tyre nuk kanë pranuar të lënë shtëpinë.
“Më datë 28.11.2015, në Selitë e Vogël, tek xhamia është hapur një gropë për ndërtimi pallati, e cila nga reshjet e shumta rrezikohet të shembet pallati pranë.
Nga ana e Ministrisë së Brendshme është ngritur gjithashtu shtabi i emergjences për vlerësime situatës dhe veprimeve të mëtejshme.
Policia ka bere evakuimin e 34 familjeve në total, e nisur që në datë 26.11.2015, dhe ditën e sotme është bëre evakuimi i 7 familjeve të fundit, të cilët jetonin në këtë pallat.
Gjithashtu është shpallur në kërkim menaxheri i ndërtimit të këtij pallati shtetasi Bujar Hasa, për mosrespektim të rregullave të ndërtimit.
Materialet procedurale i janë referuar Prokurorisë së Rrethit Gjyqësor Tiranë për veprime të mëtejshme”, thuhet në njoftimin zyrtar të policisë.
