Policia e Tiranës vuri në pranga një ditë më parë dy shitës online të heroinë në Tiranë.
Pjerin Gjeçaj, 37 vjeç dhe bashkëjetuesja e tij Brikena Frakulli, 32 vjeç u kapën nga policia sëbashku me 47 doza heroinë të bërë gati për shitje.
Gjecaj dhe Frakulli përdornin rrjetin social “Facebook” për të gjetur klienttë e tyre.
Ata ia dolën që për një kohë të shkurtër të krijonin klientelën e tyre e cila po ashtu kërkonte që procesi i blerjes së lëndës narkotike të ishte sa më shumë larg syve të policisë dhe agjentëve të saj. Zonat më të preferuara të tyre ishin “Ali Demi”, “Bllok”, “komuna e Parisit: si dhe zonarreth stadiumit Dinamo ku ndodhen shumë restorante të huaja.
Policia tha se në momentin e arrestimit të çiftit, 30 gramë heroinë u gjendën në makinën e Gjeçajt, e cila ishte bërë gati për shitje, ndërsa pjesa tjetër u gjet në banesën e tyre te “Poligrafiku”, në lagjen “Ali Demi”. Pjerin Gjeçaj ka qenë edhe më parë i arrestuar po për të njëjtën vepër penale.
Cmimi i heroinës në Tiranë është fitimprurës. Gjeçaj, një dozë 0.3 gramë heroinë e shiste kundrejt shumës prej 1.500 lekësh.
