Qeveria ka vendosur që të blejë dekodera dixhitale për familjet në nevojë. Për këtë ka marrë edhe një vendim, sipas të cilit është përcaktuar fondi prej 350 milionë lekë (të reja), për blerjen e dekoderave dhe shpërndarjen e tyre familjeve në nevojë.
Ky vendim, tingëllon si një tallje për këto familje.
Përveçse një abuzim i mundshëm, tallja qëndron në faktin, në se ka ndërmend të shpenzojë ca lekë, pse s’ua jep parà të thata këtyre familjeve, po iu blen dekodera?
Këto familje të varfra, me këto lekë mund të paguajnë faturat e energjisë, shlyejnë kamat-vonesat, etj.
Tallja ka edhe anën tjetër të medaljes.
Duke ju dhënë dekodera dixhitalë familjeve në nevojë, ato automatikisht dalin nga skema ekonomike (sepse normalisht, nëse ke dekoder dixhital në shtëpi, s’mund të përfitosh ndihmë ekonomike).
Por, tallja nuk ka fund.
Pyetja që lind pas shpërndarjes së këtyre dekoderave, ka të bëjë me atë, se me çfarë lekësh do ta “aktivizojnë” dekoderin këto familje? Sepse ai kërkon abonim çdo muaj.
DOKUMENTI-VKM/ Tallja e qeverisë, ju blen dekodera dixhitale familjeve të varfra
